正選(一)

林玉琴 女士

( 作品) 美麗的墾丁

海咧講話 風咧吹 自由的鳥仔 四界飛

飛啊飛 飛啊飛 日頭月娘 來作夥

南灣 四季水清氣 大尖山 秋天上界水

鵝鑾鼻 燈塔塊閃熾 車城 伯公仔來保庇

啊 美麗的墾丁 輕鬆的心情 山風佮海湧 情話講袂停

啊 美麗的墾丁 迷人的風景 台灣上南屏 世界第一等 (間奏)

山這堅定 雲來陪 彩色的夢 綴你飛

飛啊飛 飛啊飛 天地 攏總是咱的

東門城 古早的歌聲 南仁湖 冷靜的水影

船帆石 海中心頭定 佳樂水 海岸上出名

啊 美麗的墾丁 輕鬆的心情 山風佮海湧 情話講袂停

啊 美麗的墾丁 迷人的風景 台灣上南屏 世界第一等

啊 美麗的墾丁 輕鬆的心情 山風佮海湧 情話講袂停

啊 美麗的墾丁 迷人的風景 台灣上南屏 世界第一等

 

正選(二)

陳妙媛 女士

( 作品) 燈仔花

一蕊一蕊紅吱吱 一葩一葩若過年

開佇庄頭的路邊 年年為阮添喜氣

未開的時像胭脂 含蕊自然媠 當開的時像古吹 熱情人人迷

燈仔花啊燈仔花 日時伊嘛點電火

燈仔花啊燈仔花 是我心內上媠的花

一蕊一蕊紅吱吱 一葩一葩若過年

開佇庄頭的路邊 年年為阮添喜氣

細漢的時辦公伙 伊是新娘花 大漢的時嬤孫陪 伊是好話題

燈仔花啊燈仔花 有時跟伊隨風吹

燈仔花啊燈仔花 想起阿嬤交代阮的話

日子就愛好好過 尪婿嘛愛好好找

 

 

正選(三)

陳廷宣 先生

( 作品) 思念的膨紗衫

半眠的深夜 露水重也寒 阮欲來為汝織一領膨紗衫

聽無汝氣絲 看無汝形影 惜囡的吋尺毋知欲安怎掠

厚厚的頷領 阿母的心肝 曼佇頷頸敢聽有阿母的名

思念的色水 遺憾的哭聲 一針一線攏是想囡的心情

希望咱的心會凍縫相倚

織煞這捆線 團圓的新衫 送汝離開我

團圓的是新衫 送汝離開我