地區總監 Computer、監交人 PP Justice，IPP Eric、各位貴賓、各位友社的扶輪先進，各位我所 敬疼的西區扶輪社的社友，大家午安！非常感謝大家佇無閒的中間撥駕參加今仔日台北西區扶 輪社第五十九屆社長暨職員的就職典禮。
時間親像一粒大輪，佮扶輪社彼粒輪子仝款，一直輪向前，無停睏，一目顳，一年就過去，又 閣是交接的時陣，台北西區扶輪社也欲來進入第五十九年。回想五十八年前，有褓姆台北扶輪 社的熱心輔導，佮諸位創社社友的打拼，才有台灣第一個台語扶輪社，就是台北西區扶輪社的 成立。五十八年來經過歷屆社長佮全體社友的奉獻佮打拼，毋那替西區社創造出輝煌的歷史， 也佇扶輪的五大服務留落真寶貴的經驗佮典範，通予阮後輩來學習佮跟綴。所以佇這個交接的 時刻，阮愛特別感謝前輩社友熱心的奉獻佮打拼。
也要感謝過去這一年 IPP Eric 英明的領導，互西區社的社務繼續堅定向前行，各種的服務攏充 滿著活力。佇茲也欲藉著各位的雙手，來感謝 Eric 社長佮伊的團隊這一年的付出。感謝各位社 友的疼惜與愛護，將第五十九屆的摃槌交佇小弟 vincent 的手中，這支摃槌看起來輕輕，舉起 來的感受卻是真重，我深深感受責任的重大，我知我的能力有限，所以要希望各位多多牽教，多多支持，我佮我的團隊會盡最大力量，佇這新的一年佮大家鬥陣來打拼。
今年度 RI 社長的主題是”Engage Rotary , Change Life 參與扶輪 改變人生” 。參與扶輪 改變人 生，我想較資深的社友對這句話攏有深深的感受。透過一遍一遍扶輪理念的傳達，透過一項一 項扶輪服務的推搡，扶輪人確實有新的社會觀，新的人生觀，愈資深，這種新的觀念愈確定。 扶輪互咱先改變咱的人生，也進一步透過咱的服務，互咱的青少年，咱的新世代，咱周圍的人， 咱的社區，甚至國際社區，因為有咱的參與，來改變怹的人生，這是咱參與扶輪共同的理想。 為著這個理想，為著扶輪的名聲，咱心頭按乎定，什麼攏毋驚，牽手鬥陣行，共同來打拼！
再度感謝各位扶輪先進佮貴賓的蒞臨指導，祝大家身體健康、萬事如意。
