R.I. 社長年度主題：
為世界創造希望
Create Hope in the World
台北西區社年度主題：
扶疏友誼、輪轉幸福
地區總監DG. Jennifer、各位貴賓，各位扶輪先進，以及各位我所敬疼的西區扶輪社社友，大家午安！非常感謝大家佇無閒的中間撥駕蒞臨台北西區扶輪社第69屆社長暨職員就職典禮。
68年前佇褓姆社台北扶輪社的熱心輔導，佮西區社諸位創社社友突破重重的困難，才有戒嚴時期台灣第一個台語社，也就是台北西區扶輪社的成立。多年來經過歷屆社長佮全體社友先進的奉獻佮打拼，台北西區扶輪社到今已經輔導成立12個子社、結交8個海外姐妹社、成立了網路社、扶青社以及衛星社，毋爾替西區社創造出輝煌的歷史，也佇扶輪五大服務及扶輪擴展留落寶貴的經驗及典範。
過去一年佇Charlie社長傑出的領導之下，西區社團隊提著國際扶輪3481地區金賞獎及扶輪願景大賞兩項大獎的肯定。佇茲也欲藉著各位的雙手，來感謝Charlie 社長佮伊的團隊這一年的貢獻及付出。
今年度國際扶輪的主題是「Create Hope in the World 為世界創造希望」，佇茲我也欲提出「扶疏友誼，輪轉幸福」作為台北西區社年度主題，這也是我參與扶輪以來對扶輪這兩字的感想及解讀。咱攏知影友誼是扶輪的基石，出席是友誼之本。透過友誼，咱會當結合力量，採取行動，改善咱本身以及世界。另外一方面，自從加入西區社大家庭，我發覺會當參與扶輪，每一位社友都是真正有福氣的人，而且扶輪社友猶有一項特質，就是佇追求個人幸福的同時，也會當看到別人的需求，願意幫助別人，分享咱的幸福，而且看著別人得到幸福咱嘛會感覺快樂佮滿足。所以透過服務、透過友誼，咱的福氣會當分享、傳遞、擴大，所以參與扶輪若久，人也會越來越福氣，越來越快樂。其實這就是「超我服務」及「付出愈濟，收穫愈大」扶輪精神的實踐。
所以佇新的年度，咱要重視出席及友誼，積極爭取新社友加入的同時也要關心較少出席的社友。另外，希望大家要多注意身體健康，也要兼顧家庭與事業，才有本錢來參與扶輪，享受扶輪。
會當擔任西區社社長是光榮，感謝各位社友的疼惜與支持，也感謝濟濟閣較資深、閣較優秀的社友謙讓。擔任社長更加是責任，雖然深知自己能力有限，但我會盡最大的努力，透過堅定的扶輪信念、傑出團隊的相挺及全體社友的支持，佇這新的一年佮逐家鬥陣來打拼！
最後，再次感謝在座各位貴賓，各位扶輪先進的蒞臨指導，祝大家身體健康、萬事如意、事業成功、平安幸福，多謝！
